اسلام آباد(مانیٹرنگ ڈیسک)عمران خان کی تقریب حلف برداری میں آرمی چیف جنرل قمر جاوید باجوہ کی اہلیہ اور خاتون اول بشریٰ بی بی میں پہلی ملاقات، کرسیوں پر براجمان ہی ایک دوسرے سے ہاتھ ملایا اور تعارف کرایا۔ تفصیلات کے مطابق وزیراعظم پاکستان عمران خان کی ایوان صدر میں تقریب حلف برداری کے موقع پر حلف سے قبل آرمی چیف جنرل قمر جاوید باجوہ کی اہلیہ اور خاتون اول بشریٰ بی بی میں پہلیملاقات ہوئی ہے۔ آرمی چیف کی اہلیہ اور خاتون اول بشریٰ بی بی کے درمیان ایک کرسی حائل تھی تاہم خاتون اول اور آرمی چیف کی اہلیہ
نے ایک دوسرے کی جانب جھک کر ایک دوسرے سے ہاتھ ملایا اور رسمی جملوں کے تبادلے کے بعد آرمی چیف کی اہلیہ نے خاتون اول بشریٰ بی بی کو مبارکباد بھی دی۔ خاتون اول بشریٰ بی بی اس موقع پر اپنے روایتی لباس میں ملبوس اور چہرے کو نقاب سے ڈھانک رکھا تھا۔